“OpenAI” томонидан ишлаб чиқилган ChatGPT чат-боти Япония университетларига кириш имтиҳонида 15 та фандан 9 тасида энг юқори балл тўплади. Бу ҳақда сунъий интеллект тизимларини қиёсий синовдан ўтказган “LifePrompt” компанияси ҳисоботида маълум қилинди.

Тадқиқотда ChatGPT, “Google Gemini” ва “Anthropic”нинг “Claude Opus” моделлари иштирок этди. Имтихон натижаларига кўра, ChatGPTнинг жавоблари ўртача 97 фоиз аниқликка эга бўлган. Энг юқори баллар математика, информатика, кимё, физика, биология, сиёсат ва иқтисодиёт фанларида қайд этилди.

“LifePrompt” бу каби синовларни тўрт йилдан буён ўтказиб келмоқда. 2024 йилда ChatGPT саволларнинг ўртача 66 фоизига тўғри жавоб берган бўлса, 2025 йилда кўрсаткич 91 фоизга, 2026 йилда эса 97 фоизга етди — моделнинг иш сифати сезиларли даражада яхшиланган.

Ф.Яхшибоева, ЎзА