Чадтың қазіргі өтпелі көшбасшысы Махамат Идрис Деби алдын ала нәтижелерге сәйкес, президенттік сайлауда 61,03 пайыз дауыс жинап, жеңіске жетті.

Reuters агенттігінің хабарлауынша, сайлауға дауыс беру құқығы бар азаматтардың 75 пайызы қатысқан.

6 мамырда өткен президент сайлауында негізгі үміткерлер Махамат Идрис Деби мен өтпелі үкіметтің басшысы, оппозицияның бұрынғы жетекшісі Сукцесс Масра болды. 

Премьер-министр 18,53 пайыз дауыс жинап, сайлаудың екінші турына өту мүмкіндігінен айырылды.

Сайлаудың соңғы нәтижелері конституциялық кеңестің мақұлдауынан кейін 5 маусымда жарияланады деп күтілуде.

Масра әлеуметтік желілерде сайлау комиссиясының сайлау нәтижелерін жариялауын күтпестен «бірінші турда жеңіске жеткенін» айтты.