Чад ресейліктер үшін визасыз режим орнатпақ. Өзгерістер 2024 жылдың соңына дейін күшіне енуі мүмкін.

Бұл туралы ТАСС агенттігіне Африка елінің Мәскеудегі елшісі Адам Бешир Махамуд мәлімдеген.

«Біз Ресеймен визасыз режимді енгізу бойынша жұмыс істеп жатырмыз», - деген дипломат. 

Оның айтуынша Чадқа баратын Ресей азаматтары үшін визаны алып тастау 2024 жылдың соңына дейін орындалуы мүмкін.

Елші «шешім алдымен дипломатиялық және қызметтік төлқұжаттардың иелері үшін, содан кейін ғана қарапайым төлқұжаттардың иелері үшін күшіне енетінін» түсіндірген.