Гонконгтың Cathay Pacific әуе компаниясы Нью-Йорк - Гонконг бағыты бойынша Ресей әуе кеңістігін айналып өтіп, әлемдегі ең ұзын әуе бағытына айналатын үздіксіз рейстерді орындауды жоспарлап отыр.

Bloomberg басылымының хабарлауынша, бұл жағдай Батыстың Ресейге қарсы санкцияларына байланысты орын алып отыр. Осыған орай Азияның бірқатар әуе компаниялары Ресей аумағы арқылы ұшудан бас тартуда.

Нью-Йорктен Гонконгқа ұшатын Cathay Pacific әуе лайнерлері шамамен 17 сағатта 16 618 км қашықтықты бағындырады. Енді Сингапурдан Нью-Йоркке (15 349 км) тоқтаусыз рейс ең ұзақ бағыт болып саналады, деп хабарлайды Bloomberg.

Cathay Pacific өкілі бұл бағытта Airbus A-350-1000 ұшағы қолданылатынын мәлімдеген.