Бутунжаҳон аёллар теннис уюшмаси томонидан Австралияда ўтказилаётган “Canberra Challenger” халқаро турнирида Полина Кудерметова ярим финалга чиқди.

Аниқроқ айтадиган бўлсак, мазкур мусобақада Ўзбекистон терма жамоаси аъзоси Полина Кудерметова яккалик беллашувларнинг чорак финалида хитойлик Юэ Юань билан рақобатлашди. Ушбу ўйинда Полина рақибига фақатгина биринчи сетда биттагина геймни бой берган бўлса, иккинчи сетни 6:0 ҳисобида ўз фойдасига ҳал этди.

Энди П.Кудерметова “Canberra Challenger”  халқаро турнирининг ярим финалида япониялик Ҳимено Сакатсуме ва грузиялик Екатерина Горгадзе ўртасидаги ўйин ғолиби билан куч синашади. Мазкур баҳс 10 январь куни бўлиб ўтади.

Жавоҳир Тошхўжаев,

ЎзА