ФОТОРЕПОРТАЖ

Миллий футбол марказида 18 ёшгача бўлган қизлар ўртасида ташкил этилган “CAFA U18 Women's Championship-2025” турнирининг ҳал қилувчи ўйини бўлиб ўтди. 

Мусобақада қизларимиз эронлик тенгдошларига қарши майдонга тушди. Кескин ва муросасиз ўтган учрашув 3:2 ҳисобида вакилаларимиз фойдасига ҳал бўлди. 

Турнирда мамлакатимиз спортчи қизлари билан бирга, Қирғизистон, Эрон, Тожикистон, Туркманистондан ташриф буюрган футбол жамоалари баҳс олиб борди. 

[gallery-26481]

Якуний натижаларга кўра, 3 та ғалаба ва 1 та дуранг билан 10 та очко тўплай олган футболчи қизларимиз  гуруҳ пешқадамига айланди ҳамда “CAFA U18 Women's Championship-2025” турнири ғолиби бўлди.

Камола Юсупова,

Муҳаммад Амин (сурат), ЎзА