“CAFA Futsal Cup-2023”: 4-турда Эрон, 5-турда Қирғизистон билан куч синашамиз
Бугун, 28 июль куни Тожикистонда "CAFA Futsal Cup-2023" мусобақасининг 4-тур баҳслари ўтказилади.
Ўзбекистон терма жамоаси аъзолари гуруҳ босқичининг 4-турида Эрон терма жамоасига қарши майдонга тушади.
Эслатиб ўтамиз, 3-турда Туркманистон жамоасига қарши майдонга тушган Баҳодир Аҳмедов бош мураббийлигидаги Ўзбекистон терма жамоаси 1:3 ҳисобида ғалаба қозонган эди.
“CAFA Futsal Cup-2023” ўйинларининг сўнгги тур баҳслари 30 июль куни бўлиб ўтади. Ўша куни Ўзбекистон терма жамоаси Қирғизистон жамоаси билан куч синашади.
Т.Рўзиев,
ЎзА