Пойтахтимизда жорий тенденцияларни белгилаб берувчи, ривожланиш, архитектура дизайн компаниялари, риелторлик агентликлари ва инвесторларни ўз сайтида бирлаштирган биринчи “CAEx Ko'chmas mulk 2024” кўргазма-ярмаркаси давом этмоқда. Унда турар-жой мажмуалари, квартира, уй ва тижорат биноларининг афзалликлари, уларни харид қилиш имконияти намойиш этилмоқда.

Кўргазмада мамлакатимизнинг йирик қурилиш ва конструкторлик компаниялари, риелторлик агентликлари, банклари ҳамда маҳаллий ва хорижий давлатларнинг ишлаб чиқарувчилари иштирок этмоқда. Ушбу кўргазмада соҳа  вакиллари янги мижозларни топиш, мижозлар содиқлигини ошириш, сотиш жараёнини тезлаштириш, оммавий ахборот воситалари қизиқишини жалб қилиш имкониятига эга бўлмоқда.

Шунингдек, тадбир доирасида ташкил этилаётган семинарларда бизнес вакиллари ўзаро тажриба алмашиб, соҳа мутахассисларидан қимматли маслаҳатлар олмоқда, келажакдаги лойиҳалар учун ҳамкорлик алоқаларини ўрнатмоқда. 

[gallery-17144]

Камола Юсупова, Отабек Мирсоатов (сурат), ЎзА