Бұхара облысының «Олот» ауданында орналасқан «Узбекнефтгаз» құзіретіндегі «Мүбарак» мұнай-газ өндіру басқармасына қарасты «Тегирмон» газ конденсаты кен орнындағы 7-санды барлау ұңғымасы 2428 метр тереңдікте бұрғыланды.

Энергетика министрлігінің хабарлауынша, жүргізілген сынақтардың нәтижесінде жоғарғы Юра дәуірі карбонатты кен орындарының өнімді қабатынан өнеркәсіптік ауқымдағы табиғи газ ағыны алынды. Ұңғыманың бастапқы тәуліктік ағыны 500 мың текше метрді құрайды.

Қазіргі уақытта осы ұңғыманың өнімді қабатының қысымын, температурасын, геологиялық көрсеткіштерін анықтау, сондай-ақ оның өндірістік қуатын өнеркәсіптік ауқымда бағалау мақсатында геологиялық зерттеу жұмыстары жалғасуда.