Бұхара облысында мемлекет бюджетіне 2,5 млрд сум шығын келтірген заңсыз майнинг ферма анықталды.

Мемлекеттік қауіпсіздік қызметінің хабарлауынша, тексеру нәтижесінде майнинг ферма облыстың Ромитан ауданындағы шөлді аймағында орналасқандығы белгілі болды.

«Компьютерлер мен басқа да техникалық құрылғыларға қызмет көрсетуге маманданған ЖШС басшысы осы аймақтағы жеке кәсіпорынның ғимараты мен фермаға тиесілі егістік басындағы сарайды жалға алып, оған майнинг құрылғыларын орнату арқылы жоғары вольтты электр желісіне заңсыз қосылған.

Тексеру барысында заттай айғақ ретінде барлығы 456 дана 9 түрлі желілік құрылғылар мен басқа да электр жабдықтары алынды» делінген хабарда.

«Узэнергоинспекция» Бұхара облыстық басқармасы мен Ромитан аудандық электр желілері кәсіпорнының қорытындысына сәйкес, электр қуатын заңсыз пайдалану нәтижесінде майнинг ​​ферма мемлекетке 2,5 миллиард сум көлемінде шығын келтірген.

Қазіргі таңда Қылмыстық кодекстің тиісті бабы бойынша қылмыстық іс қозғалып, тергеу амалдары жүргізілуде.