Mahalliy ishlab chiqaruvchi korxonalarga muvofiqlikni baholash sohasida qulaylik yaratish maqsadida Oʻzbekiston Respublikasining Buyuk Britaniya va Shimoliy Irlandiya Birlashgan Qirolligidagi elchixonasi va “Oʻzstandart” agentligi hamkorligida “Intertek”(Buyuk Britaniya) muvofiqlikni baholash idorasi vakillari janob Piter Lindsay bilan videokonferensiya oʻtkazildi.

Tadbirda mahsulotlarni Buyuk Britaniya va jahon bozorlariga eksport qilishda “Intertek” idorasi tomonidan koʻrsatiladigan muvofiqlikni baholash ishlari, bugungi kunda Yevropa davlatlarining mahsulotlarga qoʻygan talablari, hamkorlikda sertifikatlashtirish idorasi va sinov laboratoriyalari ishlarini tashkil etish, ularni xalqaro darajaga olib chiqishda idora ekspertlarini jalb etish boʻyicha fikrlar almashildi.