Buyuk Britaniya Bosh vaziri Kir Starmer Myunxen xavfsizlik konferensiyasida Yevropa mudofaasini mustahkamlash bo‘yicha yangi reja e’lon qildi.

"Reyter" agentligi yozishicha, Buyuk Britaniya NATOning Qo‘shma Shtatlarga qaramligini kamaytirish uchun Yevropa bilan yaqin hamkorlikka tayyor.

Starmer Qo‘shma Shtatlarning ajralmas ittifoqchi sifatidagi ahamiyatini tan olsa-da, yanada mustaqil Yevropa NATOsi qit’aga o‘z xavfsizligini mustahkamlash va yukni qayta taqsimlashga yordam berishini ta’kidladi.

"Bu AQSH Alyansni tark etishini emas, balki bizga yaxshi xizmat qilgan aloqalar tiklanishini anglatadi”, dedi u.

Bosh vazir Yevropa mudofaa sanoatida takrorlanishning oldini olish uchun ta’minot masalasiga yangicha yondashuv zarurligini ham taklif qildi. Shuningdek, hozirgi parchalanish Yevropani “uxlayotgan gigant”ga aylantirayotganidan ogohlantirdi. Starmer Qirollikning ko‘hna qit’a uchun muhimligini ta’kidlab, “Yevropasiz Britaniya, Buyuk Britaniyasiz esa Yevropa xavfsizligi yo‘q”, dedi.  

S.Rahimov, O‘zA