Буюк Британия бош вазири Борис Жонсон Киевга ташрифи чоғида ҳар тўрт ойда 10 минг украин аскарини ҳарбий тайёргарликдан ўтказишни таклиф этди, деб хабар тарқатди унинг канцелярияси.

"Бош вазир украин аскарлари учун кенг кўламли машқ амалиётларини ишга тушириш таклифини илгари сурди. Бу ерда ҳар 120 кунда 10 минг аскар ҳарбий тайёргарликдан ўтиши назарда тутилмоқда", - дейилади Даунинг-стритнинг ҳукумат сайтида эълон қилган баёнотида.

Аввалроқ Жонсон Киевга келганини тасдиқлаб, Украинага яна бир бор келганидан хурсанд эканини таъкидлаган эди.