Буюк Британия бош вазири Кир Стармер Хитойга расмий ташриф билан келди, деб хабар бермоқда “The Guardian” нашри.

Таъкидланишича, Британия бизнеси ва маданий муассасаларининг 60 га яқин вакилларидан иборат делегация бош вазирга ҳамроҳлик қилмоқда.

Экспертлар фикрича, бугунги глобал хавфсизликка таҳдидлар ортиб бораётган даврда Стармернинг ташрифи сиёсий жиҳатдан нозик эканлигини англатади.

Бош вазир ХХРга алоқаларни тиклаш ва дунёнинг иккинчи йирик иқтисодиётида Британия компаниялари учун имкониятларни кенгайтириш мақсадида тўрт кунлик сафарини бошлаганида, унинг мамлакати АҚШ ва Хитой билан муносабатлар ўртасида танлов қилиши шарт эмаслигини таъкидлади.

У 2018 йилда Тереза Мейдан кейин Пекинга ташриф буюрган навбатдаги Бирлашган Қироллик бош вазири бўлди. Ўтган йиллар давомида икки ўлка ўртасидаги муносабатлар Хитой жосуслиги, Пекиннинг Украина низосида Россияни қўллаб-қувватлаши ва Британиянинг собиқ мустамлакаси – Гонконгдаги фуқаролик эркинликларини бостириши туфайли ёмонлашганди.

Ў.Алимов, ЎзА