Буюк Британия Бош вазири ўринбосари Анжела Рейнер Англия жанубидаги Хоув курорт шаҳридаги кўп қаватли уйдан сотиб олган хонадони учун давлат божи тўламаганини тан олиб, истеъфога чиқди.

45 ёшли Рейнер ҳукумат раҳбари жамоасидан кетган саккизинчи ва энг юқори лавозимли вазир.

- Солиқ мутахассисидан бошқа маслаҳат сўрамаслик ҳақидаги қароримдан жуда афсусдаман, - деган у Стармерга йўллаган мактубида. Бу хато учун жавобгарликни тўлиқ зиммамга оламан.

Кир бунга жавобан мулозимнинг фаолияти шу тарзда тугаганидан хафалиги, қабул қилинган қарор эса тўғриоигини таъкидлаган.

Анжела Рейнер 2024 йил 5 июлда Бош вазир ўринбосари этиб тайинланган эди.

Ишдан кетган саккиз вазирнинг беш нафари нотўғри ҳатти-ҳаракати туфайли истеъфога чиққан, деб ёзди "Reuters".

М.Пирматова, ЎзА