Buxoroda "Yosh kitobxon" tanlovining viloyat saralash bosqichi bo‘lib o‘tdi.

Tanlovda jami 9 ming 659 nafar yoshlar ishtirok etgan.  Ulardan saralangan  195 nafari tanlovning tuman (shahar) bosqichlarida ishtirok etdi. Ayni damda “Yosh kitobxon” tanlovining viloyat bosqichida 3 (10-14, 15-19, 20-30) yosh toifasi doirasida 39 nafar kitobsevar yosh qatnashdi.  

Viloyat bosqichida “Buyuk mutafakkir va adib”, “Badiiy asarlar bilimdoni”, “Erkin mavzu” shartlari asosida bellashdi.

Tanlovning yakuniy natijalariga ko‘ra 10-14 yosh toifasida Buxoro shahar 30-maktab o‘quvchisi Muhlisa Nasimova, 14-19 yosh toifasida Buxoro Davlat Universiteti talabasi Ozoda Raupova, 20-30 yosh toifasida  Buxoro Davlat Universiteti magistranti Shamshoda Hamdamova g‘oliblikni qo‘lga kiritib tanlovning yakuniy bosqichiga yo‘llanmani oldi.

Zarif Komilov,  O‘zA