Пойтахтимизда қиличбозлик бўйича 23 ёшгача бўлган йигитлар ва қизлар ўртасида Ўзбекистон кубоги мусобақаси бўлиб ўтмоқда.

«Пахтакор» қиличбозлик залида ўтган мазкур мусобақанинг шпага йўналишидаги жамоавий баҳсларида ғолиб ва совриндорлар аниқланди. Унда “Бухоро 1” жамоаси ҳам йигитлар, ҳам қизлар ўртасида ғалаба қозониб, олтин медаль ва кубокни қўлга киритди.

Шунингдек, йигитлар орасида “Андижон 1” жамоаси иккинчи, “Гулистон 1” ва “Қорақалпоғистон” жамоалари учинчи поғонада жой олган бўлса, қизлар баҳсида “Тошкент 1” жамоаси кумуш медал билан тақдирланди. Шунингдек, ушбу тоифада Андижон вилояти ва Қорақалпоғистон Республикаси қиличбозлари бронза медалига эга чиқди.

Жавоҳир Тошхўжаев,

ЎзА