ФОТОРЕПОРТАЖ

Бухоро шаҳридаги Олим Хўжаев маҳалласида янги ташкил этилган, миллий анъаналар ва замонавий инфратузилма уйғунлашган 24/7 режимида ишлайдиган кўча фаолият бошлади. 

Кўчада 90 га яқин тадбиркорлик субъекти фаолияти ташкил этилди. Тадбиркорлик биноларининг биринчи қаватида турли кафелар, ресторан ва стрит-фуд (кўча таомлари) шохобчалари мавжуд. 

[gallery-26971]

Янги гастрономик кўча бугунги кунда шаҳар аҳолиси ва меҳмонлар учун мароқли дам олиш, оилавий ҳордиқ чиқариш учун хизмат қилади. Шунингдек, ҳудудда замонавий пиёдалар ва велосипед йўлаклари барпо этилди, кўча чироқлари ўрнатилди, ичимлик ва иссиқлик суви қувурлари янгиланди, атрофга манзарали дарахт ва гул кўчатлари экилди. 

Рамзий очилиш маросимида вилоят ҳокими Ботир Зарипов қатнашди.

Тоҳир ИСТАТОВ (сурат), ЎзА