Бухоро вилояти ички ишлар бошқармаси карантин тадбирларини таъминлаш бўлими ҳамда Жондор тумани Ветеринария ва чорвачиликни ривожлантириш бўлими ходимлари билан ҳамкорликда назорат рейди ўтказилди.

Тадбирда Жондор тумани «Хумдонак» маҳалласи ҳудудидаги савдо дўконларида озиқ-овқат, гўшт ва сут маҳсулотларининг сотилишида ветеринария-санитария қоидалари нормаларига амал қилинмаётгани маълум бўлди.

Яъни дўконларда сифат назоратидан ўтмаган жами 110 кг. гўшт маҳсулотлари борлиги аниқланди ва сотилишининг олди олинди.

Қонунга амал қилмаган фуқароларга нисбатан Маъмурий жавобгарлик тўғрисидаги кодекснинг 109-моддасига асосан маъмурий баённомалар расмийлаштирилди.


Ш.Неъматов, ЎзА