Viloyatning “yashil” toifadagi tumanlarida karantin davrida faoliyat olib borish uchun sanitariya normalari asosida tayyorgarlik ishlari boshlab yuborilgan edi. Masjidlar maxsus dezinfeksiya vositalari, pirometrlar bilan taʼminlandi.

Masjidlarda kunlik 5 vaqt farz namozlari ijtimoiy masofani saqlangan xolda oʻqilishi taʼkidlanmoqda. Joylarda fuqarolar orasidagi masofa 1,5-2 metr etib belgilangan holda (maxsus chiziqlar yordamida kataklarga ajratilgan holda) ado etilishi oʻqtirilmokda.

Viloyatda 105 ta masjid mavjud. Respublika komissiyasining qarori bilan “qizil” toifaga kiritilgan tumanlarda yaʼni Shofirkon tumanidagi 9 ta, Gʻijduvon tumanidagi 6 ta, Kogon tumanidagi 4 ta masjidlarning faoliyati toʻxtatilgan.

Qolgan masjidlar ham namozxonlar uchun sanitariya-gigiyena qoidalarini yaratishi bilan birin-ketin ochilishiga ruxsat beriladi.