ФОТОРЕПОРТАЖ

Бухоро шаҳридаги Олимпия захиралари коллежининг ёпиқ спорт мажмуасида “Беш ташаббус олимпиадаси”нинг жорий йилги мавсумининг тантанали очилиш маросими бўлиб ўтди. 

Маросимда таниқли ва фахрий спортчилар, маҳаллаларнинг жисмоний тарбия ва спорт билан мунтазам шуғулланувчи ёш оилалари, вилоятдаги барча олий таълим муассасалари спортчи ёшлари иштирок этди.

[gallery-16341]

“Беш ташаббус олимпиадаси”нинг жорий йилги биринчи мавсуми доирасида маданият, санъат, спорт, IT ва касблар танлови каби қатор йўналишларни ўзига қамраб олган 25 та танлов ва мусобақа ўтказилиши режалаштирилган. 

Таъкидлаш керак, ушбу мавсумда “Ёш китобхон оила”, “Ёш қурувчи”, “Ёш мусаввир”, “Мушоира”, “Ибрат” чет тиллари, “Электоромонтаж устаси”, “Пайвандлаш устаси” каби йўналишлар қўшилган.

Тоҳир ИСТАТОВ (сурат), ЎзА