Buxoro viloyatining Vobkent tumanidagi “Qo‘ng‘irot” va “Yangikent” hududidagi “GARDEN BUKHARA AGROCLUSTER” MCHJga qarashli 350 gektar maydonida 1 ming 278 tonna paxta xom ashyosi yetishtirish maqsadida “Buxoro-8” navli chigit ekilgandi.

Ayni kunda unib chiqqan nihollar yaxshi parvarish qilinmoqda.  

Klaster tomonidan dalalarga qarov o‘z vaqtida va sifatli o‘tkazilishi natijasida “Qo‘ng‘irot” hududidagi 5,6 gektar yer maydonidagi g‘o‘za birinchi gul nishonasini ko‘rsatdi.  

Xuddi shuningdek, Olot tumani “Denov” hududidagi "Olot cotton cluster" MCHJ ga qarashli 4 gektarlik paxta maydonida  ham g‘o‘za nihollari har yilgidan ertaroq gullashni boshladi.

Zarif Komilov, O‘zA