Пойтахтимизда 4 сентябрь – Бутунжаҳон таэквондо куни муносабати билан байрам тадбири ўтказилди.

Тантанали маросим очилишида Ўзбекистон спорт фахрийлари кенгаши раиси Баҳодир Махситов сўзга чиқиб, мамлакатимизда ушбу спорт тури ёшлар орасида тобора оммалашиб бораётганини таъкидлади. Шунингдек, давлатимиз томонидан яратилаётган шарт-шароитлар ва қўллаб-қувватлаш натижасида ўзбекистонлик таэквондочилар нуфузли халқаро мусобақаларда муносиб натижаларни қўлга киритаётганини эътироф этди. 

Тадбир давомида мамлакатимиз таэквондо усталари иштирокида кўргазмали чиқишлар намойиши ўтказилди. Шунингдек, таниқли спортчиларимиз томонидан мухлисларга қизиқарли викторина саволлари берилди. Мазкур савол-жавобда ўз иқтидорини намойиш этган таэквондо ихлосмандлари ташкилотчилар томонидан муносиб тақдирланди. 

Ўзбекистон таэквондо WT ассоциацияси томонидан ташкил этилган тадбирда ёш спортчилар томонидан кўргазмали чиқишлар намойиш этилди. Маросим якунида барча иштирокчиларга эсдалик совғалари топширилди.

<iframe width="640" height="420" src="https://www.youtube.com/embed/odh4sLJgiYs" title="Butunjahon taekvondo kuni poytaxtimizda keng nishonlandi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Жавоҳир Тошхўжаев, Беҳруз Худойбердиев, 
Анвархўжа Аҳмедов (монтаж) ЎзА