Бутунжаҳон иқтисодий форумининг йиллик йиғилиши келгуси йилнинг январь ойида ўтказилади
Бутунжаҳон иқтисодий форумининг йиллик йиғилиши 2022 йилнинг 17-21 январь кунлари Швейцарияда, Давос-Клостерсда бўлиб ўтади.
“РИА Новости”нинг хабар беришича, тадбир лидерлик бўйича кейинги йиллардаги илк халқаро анжуман бўлиб, барқарор тикланиш бўйича кун тартибини белгилаб бериши кўзда тутилмоқда.
Таъкидланишича, Бутунжаҳон иқтисодий форуми тадбирнинг муваффақиятли ўтказилиши учун Швейцария ҳукумати, таҳлилчилар, соғлиқни сақлаш соҳасидаги халқаро ва миллий ташкилотлар билан мустаҳкам муносабатлар ўрнатган.