Буркина-Фасо шимолида жойлашган Солҳан қишлоғига ҳужум қилинган. CGTN Africa агентлиги хабарига кўра, қуролланган шахслар 100 га яқин кишини отиб ташлаган.

Маҳаллий ОАВнинг хабар беришича, ҳалок бўлганлар сони анча кўп бўлиши мумкин.

Террорчилар бир нечта уйни ва Солҳан бозорини ёқиб юборган.

Фожиа туфайли президент Рох Марк Кристиан Каборе мамлакатда 72 соатлик миллий мотам эълон қилди.

"Мудофаа ва хавфсизлик кучлари қуролли ҳужумни содир этганларни топиш ва зарарсизлантириш учун жиддий иш олиб бормоқда. Биз бу ёвуз кучларга қарши курашишимиз керак", - деган президент.

Ғарбий Aфрика ҳудудида Aл-Қоида ва «Ислом давлати»га алоқадор жиҳодчилар томонидан уюштирилган ҳужумлар йил бошидан бери, айниқса, Буркина-Фасо, Мали ва Нигерда кескинлашяпти. Бу эса тинч аҳолининг қурбон бўлишига олиб келмоқда.