Батыс Африкадағы Буркина-Фасо елінде төңкеріс жасау әрекеті әшкере болды.

«Өтпелі үкімет 26 қыркүйекте барлау күштерінің көмегімен мемлекеттік төңкерістің алдын алғанын жұртшылыққа хабарлайды», - делінген хабарламада.

Күштік жүйе өкілдері бүлік шығаруға әрекеттенді деген күдікпен бірнеше әскери және басқа да адамдарды тұтқындаған, қалғандары іздестірілуде.

Өткен жылдың қыркүйегінде капитан Ибрагим Траоре бастаған бір топ сарбаз өтпелі үкімет басшысы, подполковник Пол-Анри Сандаого Дамиба басшылық қызметтен босатылғанын хабарлаған еді. Сол кезде Дамиба егер бүлікшілер бірнеше шарттарды орындаса, өз еркімен отставкаға кетуге дайын екенін айтқан.

Жағалау аймағында орналасқан Буркина-Фасо 2015 жылдан бері радикал жиһадшылардың шабуылына ұшырап келеді.