Бухоро ва Хоразмдан 33 нафар бемор тузалиб, соғайганлар 1721 нафарга етди
Бухоро вилоятида 32 нафар, Хоразм вилоятида эса 1 нафар коронавирус инфекциясига чалинган бемор бутунлай соғайди ва реабилитацияга кузатилди.
Бухоро вилоятида 32 нафар, Хоразм вилоятида эса 1 нафар коронавирус инфекциясига чалинган бемор бутунлай соғайди ва реабилитацияга кузатилди.
Бухорода шифо топганларнинг 21 нафари Россиядан чартер рейс билан, яна 1 нафари эса Қирғизистон Республикасидан Бухорога келишган ва карантинга олинган. Қолган 10 нафари эса коронавирусга чалинганлар билан мулоқотда бўлиб, касалликни юқтириб олишган.
Вилоятда шу пайтга қадар 372 нафар бемор соғайган бўлса, эндиликда улар 404 нафарга етди.
Хоразмда тузалган 1 нафар бемор Қозоғистон Республикасидан келган ва карантинга олинган. Эндиликда вилоятда соғайганлар сони 168 нафарга етди.
Ҳозирда мамлакатимиз бўйлаб коронавирус инфекциясидан соғайган беморлар 1721 нафарни ташкил этмоқда.
Соғлиқни сақлаш вазирлиги
Жамоатчилик билан алоқалар бўлими.