Бугун Украина Президенти Владимир Зеленский Вашингтонда Америка Қўшма Штатлари Президенти Дональд Трамп билан учрашади.

Кутилаётган мулоқот ҳақида Зеленский 15 август куни Аляскада бўлиб ўтган Трамп ва Путин мулоқотидан тахминан бир неча соат ўтгач, маълум қилган. Қайд этилишича, Путин билан музокара тугагандан кейин АҚШ етакчисининг Украина ва Европа етакчилари билан телефон орқали суҳбати бўлиб ўтган.  

Бу ҳақда Зеленский ижтимоий тармоқ саҳифасида қуйидагиларни қайд этган:  

– Олдинига Президент Трамп билан телефон орқали суҳбатимиз яккама-якка, кейин эса Европа етакчилари иштирокида узоқ ва мазмунли суҳбатга айланди. Умуман, биз бир ярим соатдан кўпроқ суҳбатлашган бўлсак, шунинг бир соати мен ва Трамп ўртасида кечди. Душанба куни Вашингтонда Президент Трамп билан учрашиб, уруш билан боғлиқ барча муҳим тафсилотларни муҳокама қилиш режамиз бор, деб ёзган ва таклиф учун Трампга миннатдорлик билдирган. У шунингдек, урушни имкон қадар тезроқ тугатиш истаги борлигини айтар экан: - Қримни ва Шарқий ерларимизнинг бир қисмини беришга мажбур қилишди. Натижа нима бўлди, Путин бундан янги ҳужум уюштириш учун майдон сифатида фойдаланди. Ёки 1994 йилги Украинага берилган “хавфсизлик кафолати”ни олайлик, бу ҳам иш бермади.Хуллас, биз ҳақиқий тинчлик ўрнатилишини хоҳлаймиз, деган у.

Зеленский, шунингдек, Трамп ва Путин ўртасидаги суҳбат мазмунидан хабардорлигига шама қилиб, “Америка қудрати вазият ривожланишига катта таъсир кўрсатади", дея қўшимча қилган.  

Бугунги кутилаётган Зеленский ва Трамп учрашувида Европа давлатлари етакчиларининг иштироки ҳам  кутилаяпти.       

<iframe width="640" height="420" src="https://www.youtube.com/embed/idxz9w3LChI" title="BUGUN ZELENSKIY TRAMP BILAN UCHRASHADI" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Кенжа Бекжонов, Улуғбек Тўхтаев, ЎзА