Bugun – 19 avgust kuni Yevropa parlamentida Afg‘oniston masalasidagi favqulodda eshituv bo‘lib o‘tadi.

“REGNUM” xabariga ko‘ra, yig‘ilishda Yevroparlamentning tashqi siyosat masalalari qo‘mitasi a’zolari va Afg‘oniston bo‘yicha Yevroparlament delegatsiyasi ishtirok etadi. Shuningdek, yig‘ilishga Yevroittifoqning tashqi siyosat va xavfsizlik masalalari bo‘yicha oliy vakili Jozep Borrel ham taklif qilingan.  

 Eslatib o‘tamiz, yaqinda Borrel matbuot anjumanida navbatdagi gumanitar tanazzulga yo‘l qo‘ymaslik uchun Yevroittifoq Tolibonlar harakati bilan imkon qadar tezroq muloqotni boshlash kerakligini aytgandi.