Firdavs Abduxoliqov Samarqand davlat universitetining Rus tili filologiyasi va Iqtisodiyot fakultetlarini tugatgan.

Mehnat faoliyatini Samarqand shahridagi 33-sonli hunar-texnika bilim yurtida oʻqituvchilikdan boshlagan. Keyinchalik viloyat Yoshlar markazi direktori, STV teleradiokompaniyasi bosh direktori, Oʻzbekiston Milliy teleradiokompaniyasi raisi oʻrinbosari, Oʻzbekiston Respublikasi Prezidentining Matbuot xizmati bosh konsultanti va boshqa masʼul lavozimlarda ishlagan.

F.Abduxoliqov mamlakatda nodavlat elektron ommaviy axborot vositalari shakllanishi va rivojlanishiga katta hissa qoʻshib kelmoqda.

U 1999-2001-yillarda Oʻzbekiston Respublikasi Oliy Majlisi deputati, Oliy Majlisning Yoshlar ishlari boʻyicha komissiyasi raisi etib saylangan.

Firdavs Abduxoliqov 2011-yil Oʻzbekiston Respublikasida xizmat koʻrsatgan jurnalist faxriy unvoniga sazovor boʻlgan. 2018-yil “Mehnat shuhrati” ordeni bilan mukofotlangan.

***

PS: Saytimizda tashkil etilgan “Bugun tugʻilgan kun” loyihasida turli sohalarda mamlakatimiz ravnaqiga oʻz hissasini qoʻshgan va qoʻshayotgan insonlar, davlat hamda jamoat arboblari, akademiklar, el sevgan ijodkorlar hamda kasbi, tanlagan yoʻlida yuqori natijalarga erishayotgan vatandoshlarimizning tugʻilgan kunlari esga olinadi.

Mazkur ruknga oid fikr-mulohazalaringiz, taklif yoki qoʻshimchalaringiz boʻlsa, quyidagi manzillarga murojaat qilishingiz mumkin.

Telegram: @UzA_pochta,

E-mail: pochta@uza.uz, uzauz@yandex.ru

Telefon: (71) 233-42-84, (71) 233-21-37

Saytimizni kuzatib boring!