— Янги вариант Россияга Жанубий Aфрикадан келган 177 кишидан 16 нафарида топилди, — дейди Россия бош вазир ўринбосари Татьяна Голикова. — Aйни пайтда барча бемор кузатув остида эканлиги ҳамда инфекция хавфи юқорилигини таъкидлади.

6 декабрь куни Россияда коронавируснинг омикрон варианти билан касалланишнинг илк ҳолати қайд этилганди.

Бу воқеадан сўнг Москва маъмурияти Боцвана, Зимбабве, Лесото, Мадагаскар, Мозамбик, Намибия, Танзания, Жанубий Aфрика ва Гонконгдан келганлар учун 14 кунлик карантин эълон қилди.

26 ноябрь куни Жаҳон соғлиқни сақлаш ташкилоти ушбу штаммни хавфли вариант деб эълон қилганди.

Жон Хопкинс университети маълумотига кўра, 2019 йил декабрь ойидан бери пандемия 192 мамлакат ва минтақада 5,3 миллиондан ортиқ одамнинг ҳаётига зомин бўлган, бутун дунё бўйлаб 270,21 миллиондан ортиқ ҳолат кузатилган.

Улуғбек Маҳмирзаев