Қатарда давом этаётган жаҳон чемпионати гуруҳ босқич ўйинлари якунига етди. Кеча ўтказилган 4 та учрашувдан кейин плей-оффнинг барча жуфтликлари маълум бўлди.

Бу галги Жаҳон чемпионати гуруҳ босқич ўйинларида Португалия, Бразилия, Англия, Франция, Нидерландия жамоаларидан бошқа ҳеч бир терма жамоа кейинги босқичга тўлақонли ишонч билан чиқиш имкониятига эга бўлмади.  

Жаҳон чемпионатининг 1/8 финал босқичида Нидерландия – АҚШ, Аргентина – Австралия, Япония – Хорватия, Бразилия – Жанубий Корея, Франция – Польша, Англия – Сенегал, Марокаш – Испания, Португалия – Швейцария тўқнаш келади.  

Бугун, 3 декабрь куни миллионлаб футбол ишқибозлари Нидерландия – АҚШ, Аргентина – Австралия ўйинига гувоҳ бўлади.  

Чемпионатнинг 1/8 финалида жамоаларнинг жойлашувига назар ташланса, Нидерландия, Аргентина, Хорватия, Бразилия карвони бир қанотда, Франция, Англия, Португалия, Испания жамоалари саф тортган жуфтликлар иккинчи қанотда финал довони сари одимламоқда.  

Бу йилги мундиал кутилган ва кутилмаган учрашувлари билан қизиқарли кечмоқдаки, 1/8 финалдан эътиборан ҳар бир ўйин финал даражасида шиддатли кечиши шубҳасиз.  

Тўлқин Рўзиев, ЎзА