Iordaniya podshohi Abdulla II va Falastin davlati prezidenti Mahmud Abbos bugun – dushanba kuni Sharqiy Quddus va Iordan daryosining g‘arbiy sohilidagi vaziyat bo‘yicha muzokaralar o‘tkazadi.

“Maan” agentligi xabariga ko‘ra, Iordaniya podshohi Ramallaga Xaderada sodir etilgan va ikki isroillik halok bo‘lib, bir necha kishi jarohatlangan terrorchilik xurujidan keyin tashrif buyuradi.

“Abdulla II Mahmud Abbos bilan Falastin hududida bunday xurujlarning sodir bo‘lish xavfining oldini olish choralarini muhokama qiladi”, dedi agentlikka arab diplomatik manbasi.

O‘z navbatida, Abbos AQSH davlat kotibi bilan yakshanba kungi Ramalladagi uchrashuvi bo‘yicha ma’lumot beradi.