Бугун Хасанбой Дўсматов рингга чиқади
Сербиянинг Белград шаҳрида бўлиб ўтаётган бокс бўйича эркаклар ўртасидаги жаҳон чемпионатининг иккинчи кунида уч нафар чарм қўлқоп устамиз рингга кўтарилади.
Дастлаб Одилжон Аслонов (80 килограмм) танзаниялик Юсуф Чангалаевга қарши баҳс олиб борса, Ҳасанбой Дўсматов (51 килограмм) қозоғистонлик Сакен Бибосинов билан беллашади.
Шунингдек, Саиджамшид Жафаров (75 килограмм) чемпионатдаги илк жангини словакиялик Фернезага қарши ўтказади.
Эслатиб ўтамиз, терма жамоамиз таркибида биринчи бўлиб рингга Асадхўжа Мўйдинхўжаев (67 килограмм) кўтарилди ва ирландиялик Брендан Маккивини енгди.
Жавоҳир Тошхўжаев, ЎзА