Bugun bug‘doy ortgan birinchi kema Odessa portini tark etdi
Bu haqda CNN Turk telekanali xabar bermoqda.
"Kema Odessa portini tark etdi", – deyiladi xabarda.
Bu xabarni Ukraina infratuzilmalar vazirligi ham tasdiqlagani aytilmoqda.
"Serra-Leone bayrog‘i ostida suzayotgan RAZONI kemasi Ukrainaning 26 ming tonna makkajo‘xorisini yuklab Livanning Tripoli portiga qarab suzmoqda", – deyiladi vazirlikning telegramm kanalida tarqatilgan xabarda.
Seshanba kuni yuk kemasi Istanbulga yetib keladi. Bu yerda kema tekshiruvdan o‘tkaziladi va yo‘nalishi bo‘ylab suzishda davom etadi, deya aniqlik kiritdi Turkiya mudofaa vazirligi.
Turkiyaning A Haber telekanali bergan ma’lumotga ko‘ra, kemaning harakati dronlar va yo‘ldoshlar orqali kuzatib borilmoqda.