Bugun atletlarimiz Butunjahon qishki universiadasidagi ishtirokini boshlaydi
Avval xabar berganimizdek, joriy yil 2 martdan Rossiya Federatsiyasining Krasnoyarsk shahrida Butunjahon qishki universiada oʻyinlariga start berildi.
Avval xabar berganimizdek, joriy yil 2 martdan Rossiya Federatsiyasining Krasnoyarsk shahrida Butunjahon qishki universiada oʻyinlariga start berildi. Ushbu nufuzli sport anjumanida Oʻzbekiston sport delegatsiyasi ham ishtirok etmoqda.
Bugun sportchilarimiz musobaqa dasturidan oʻrin olgan togʻ changʻi bahslarining super kombinatsiya (super gigant va super slalom) hamda snoubord boʻyicha parallel slalom-gigant yoʻnalishlarida gʻoliblik uchun bahslarga kirishadi. Kecha atletlarimiz musobaqa oʻtkazilayotgan inshootlarda soʻnggi tayyorgarlik mashqlarini olib bordi.
Eslatib oʻtamiz ushbu nufuzli musobaqada yurtimiz sharafini togʻ changʻi bahslarida Komiljon Toʻxtayev, Damir Buxarbayev, Aldiyor Gaipov hamda snoubordchilarimizdan Yekaterina Lyabina va Jasur Mahmudov himoya qilmoqda.
