Венгрия астанасы Будапешт қаласында Өзбекстан-Венгрия жоғары оқу орындары ректорларының ІІ форумы өтті.

Өзбекстан елшілігінің хабарлауынша, халықаралық шараға Жоғары білім, ғылым және инновациялар министрінің бірінші орынбасары Комилжон Каримов бастаған Өзбекстан делегациясы Өзбекстан-Венгрия ректорларының екінші форумына қатысты. 

Конференция аясында екі елдің жоғары оқу орындары арасындағы білім беру саласындағы өзара ынтымақтастықты одан әрі дамыту және тереңдету перспективалары туралы пікір алмасылды.

Сондай-ақ, кадрлар даярлау және бірлескен инновациялық бағдарламаларды жүзеге асыру бойынша ынтымақтастық мәселелері талқыланып, венгриялық тарапқа Өзбекстанда жүзеге асырылып жатқан келешегі зор білім беру және ғылыми жобалар ұсынылды.

Келіссөздер нәтижесінде машина жасау, мехатроника, робототехника, әлеуметтік-экономикалық салаларда 30-дан астам меморандум мен келісімдерге қол қойылып, кадрларды бірлесіп оқыту бойынша өзара құжаттар алмасылды.

Сапар бағдарламасына сәйкес Венгрияның бірқатар жоғары оқу орындарында, сондай-ақ Сыртқы істер және сауда, Мәдениет және инновация министрліктерінде жекелеген екіжақты келіссөздер жүргізілді.

Будапешттегі Өзбекстан елшілігінде «Stipendium Hungaricum» білім гранты негізінде Венгрияда білім алып жатқан өзбекстандық студенттермен арнайы кездесу өтті, делінген хабарламада.