Брюссельде Audi автокөлік шығаратын зауытының жабылуына байланысты жұмыс орындарының қысқаруына қарсы 5,5 мыңға жуық адам ереуілге шығып, наразылық акциясын өткізді.

Bloomberg хабарлауынша, наразылыққа қатысушылар саны 10 мыңға жеткен. Ереуілге шыққандар Еуропалық Одақтан инвестиция мен өнеркәсіп секторы арқылы жұмыс орындарын сақтап қалуды талап етіп, экономиканың нақты секторындағы жұмыстан қысқартуларға қарсылықтарын білдіруде.

Audi-дің 3 мың жұмысшысы бар зауыты 2025 жылы сатылымдардың төмендеуі және өндіріс шығындарының өсуі салдарынан жабылуы мүмкін.

Financial Times-тың хабарлауынша, Еуропалық автокөлік өндіруші компаниялар сұраныстың азаюы салдарынан электромобиль өндірісін қысқартуда. Бұл Еуроодақтың 2035 жылға қарай ішкі жану қозғалтқыштарынан бас тарту жоспарларын жүзеге асыруда қиындықтар туғызуы мүмкін.