Buyuk Britaniyada maslahatchi va interna shifokorlari yuqori inflyatsiyani e’tiborga olib, maosh oshirilishi talabi bilan bugundan boshlab uch kunlik ish tashlash boshladilar. Aksiyani Britaniya Tibbiyot assotsiatsiyasi tashkil etgan.

Interna vrachlari oylikni 35 foiz, konsultant shifokorlar esa 12 foiz oshirishni talab qilmoqda.
Ish tashlangan kunlari kasalxonalarda chegaralangan xizmat taqdim etiladi, birinchi navbatda kasallarga tez yordam ko‘rsatiladi.

Mahalliy ommaviy axborot vositalari yozishicha, o‘tgan yil dekabr oyida boshlangan ish tashlash tufayli hozirgacha ikki million xasta qabul qilinmagan.