Мьянманинг Буюк Британиядаги элчиси Чжо Зо Мин ўзини мамлакатнинг Лондондаги элчихонасига киритилмаётганини маълум қилди. “INTERFAX.RU” бу ҳақда “CNN” маълумотига асосланиб хабар берган.

“Мени ичкарига қўйишмаяпти. Ваҳоланки бу ер Мьянма ёки Бирма эмас, бу Буюк Британия”, деди элчи “Telegraph” газетасига интервьюсида.  

Эслатиб ўтамиз, ўтган ҳафта Чжо Зо Мин Мьянманинг ҳибсдаги президенти ва давлат маслаҳатчисини озод қилишни сўраб мурожаат билан чиққан, шундан сўнг Мьянма ҳарбийлари уни лавозимидан озод этишга қарор қилганди.