Буюк Британия ва Евроиттифоқ ҳозирча “Brexit” дан кейинги ўзаро муносабатлар бўйича келишувга эришмади, деди Еврокомиссия раҳбари Урсула фон дер Ляйен.

Унинг сўзларига кўра, айни шу масала ҳафта якунига қадар ҳал этилиши лозим.  

“Интерфакс” хабарида келтирилишича, Британия бош вазири Борис Жонсон билан Брюсселдаги учрашувидан сўнг фон дер Ляйен томонларнинг позициялари ҳамон анчагина фарқланишини айтган.  

Эслатиб ўтамиз, йил охирида Британиянинг Евроиттифоқдан бутунлай чиқиш муддати тугайди, шу вақт ичида томонлар бундан кейинги муносабатларига ойдинлик киритиб олиши керак.