Бирлашган Қироллик парламенти Ташқи ишлар қўмитаси аъзоларининг аксарияти ҳукуматни Фаластин давлатини зудлик билан тан олишга чақирди. Бу жараён Президент Эммануэль Макрон сентябрда БМТ сессиясида Франция томонидан Фаластин расман тан олинишини эълон қилгандан сўнг янада авж олди.

Меҳнат ва Либерал-демократлар партиялари депутатлари тайёрлаган ҳисоботда Фаластин халқи ўз давлатига эгалик қилиши "муҳокама қилинмайдиган ҳуқуқ экани, бу иш ҳеч қандай шартга боғлиқ бўлмаслиги керак"лиги таъкидланган.

Икки консерватив депутат — Афра Брандрет ва сэр Жон Уиттингдейл таклифга қўшилмади. Улар Фаластин давлати тан олиниши Яқин Шарқ можаросининг узоқ муддатли сиёсий ечими доирасида амалга оширилиши кераклиги, бу амалдаги ҳукумат позициясига ҳам мос келишига эътибор қаратган.

Бош вазир Кир Стармер аввалроқ Фаластин давлатини тан олиш "энг кучли таъсир кўрсатадиган пайт" амалга оширилишини айтганди. Ҳозирги ҳужжатда айни ёндашув танқид қилиниб, "ҳукумат мукаммал фурсатни кутиши ноўринлиги, чунки бундай кун ҳеч қачон келмаслиги ҳам мумкин"лигига урғу берилган.

Сўнгги ҳафталарда 60 дан ортиқ депутат ва Лондон мэри Содиқ Хон ҳам чақириқни қўллаб-қувватлаган.

Мусулмон Зиё, ЎзА