Энди ҳужжат 23 январь куни қиролича Елизавета II томонидан имзолаш учун тақдим қилинади.

Парламентнинг юқори палатаси — Лордлар палатаси BREXIT учун йўл очиб берди. 22 январь, чоршанба куни парламент вакиллари Британиянинг ЕИдан чиқиши ҳақидаги Қуйи палатада илгари қабул қилган битимни ратификация қилди. Бугун қиролича Елизаветта II мазкур қонунни имзолаши кутилмоқда. 

Буюк Британиянинг Европа Иттифоқидан чиқиш бўйича котиби Стивен Баркли ўзининг твиттердаги саҳифасида “Биз BREXITни амалга оширишга ваъда берган эдик ва 31 январь куни Европа Иттифоқи таркибидан чиқиб кетамиз", деб ёзди.

Лордлар ва жамоатчилик палаталари BREXIT масаласида ўзаро келишувга эришдилар. Эндиликда Буюк Британияда яшовчи ЕвроИттифоқ фуқароларининг ҳуқуқлари белгилаб қўйилади.

Юқори палата BREXITдан кейин ЕИ фуқароларини мамлакатда қолиш ҳуқуқини тасдиқловчи ёзма тасдиқ олишларини талаб қилинишини илгари сурди.

Жамоатчилик палатаси эса Лордларнинг қўшимчаларини рад этди, ушбу жараёнда бир муддат келишмовчилик юзага келди, лекин қонун пат жараёни сифатида баҳоланиб, ўзгартирилмасдан ратификация қилинди.

Энди Британиянинг ЕИдан чиқиш шартномаси Европа парламентида тасдиқланиши керак. Бу 29 январь куни бўлиб ўтадиган йиғилишда кутилмоқда. 

Эслатиб ўтамиз, Британиянинг ЕИдан чиқиши бир неча бор қолдирилган, бу галги BREXIT 31 январь куни бўлиб ўтади. 

Маълумот учун: Бирлашган қиролликда 2016 йилги референдум натижаларига кўра мамлакатнинг Европа Иттифоқидан чиқишини ёқлаб 51,9 % сайловчи овоз берган. Сайловчиларнинг 48,1 % эса, бунга қарши.

Буюк Британиянинг алоҳида субъектларида овоз бериш натижалари ҳар хил тус олган: Шотландия ва Шимолий Ирландиянинг аксар аҳолиси BREXITга қарши овоз берган бўлса, (Лондон бундан мустасно) ва Уелсдаги кўпчилик Британиянинг ЕИдан чиқишини ёқлаб овоз берган. Референдумнинг кутилмаган натижаси жаҳон ҳамжамиятини лол қолдирди. Айримлар хатто шок ҳолатига ҳам тушиб қолишди, чунки кўплаб сиёсатшунослар бунинг акси бўлишини тахмин қилишганди.