Буюк Британия Бош вазири Кир Стармер РФ Президенти Владимир Путиннинг НАТО Россия – Украина урушида бевосита иштирок этиши хавфи мавжудлиги ҳақидаги фикрига муносабат билдирди.

– Бу можарони Россия бошлади, – деди Қироллик ҳукумати бошлиғи. – Украинага ноқонуний бостириб кирган РФ бу можарони дарҳол тугатиши мумкин. Украина ўзини ҳимоя қилиш ҳуқуқига эга ва биз буни тўлиқ қўллаб-қувватлаймиз. Бинобарин, Британия Россия билан зиддиятга интилмаяпти, бизда умуман бундай ният йўқ.

Аввалроқ Путин Украина томонидан Ғарбнинг узоқ масофага мўлжалланган юқори аниқликдаги қуроллари Россия Федерациясига қарши қўлланиши НАТО давлатларининг ушбу урушда бевосита иштирок этишини англатишидан огоҳлантирган эди.