Ұлыбританияның әскери-өнеркәсіптік кешені соғыс режиміне өтуде. Бұл туралы Ұлыбритания премьер-министрі Риши Сунак Польшаға жасаған іс-сапарында айтты.

«Біз Ұлыбританияның қорғаныс өнеркәсібін соғыс режиміне келтіреміз», - деді ол брифингте.

Премьер-министрдің айтуынша, алдағы 6 жылда Ұлыбритания өзінің қорғаныс өнеркәсібін дамытуға қосымша қаражат бөледі, сондай-ақ Украинаға қорғаныс саласына көмек көрсету үшін қаржылық шығындарды арттырады.

«Біз қорғаныс шығындарын 2030 жылға қарай ішкі жалпы өнімнің 2,5 пайызына дейін арттырамыз. Ұлыбритания қырғи-қабақ соғыстан кейінгі ең қауіпті кезеңге аяқ басқандықтан, тоқмейілсуге болмайды. Жауларымыз жақындаған сайын, біз өз мүдделеріміз бен құндылықтарымызды қорғау үшін көбірек әрекет етуіміз керек. Біз қазіргі жағдайды таңдаған жоқпыз, бірақ оған жауап беруіміз керек», - деген Сунак.

Лондон Киевке қосымша 618 миллион доллар беруге, сондай-ақ 400 бірлік техника, 400 миллион оқ-дәрі және Storm Shadow әуе қорғаныс жүйесін жіберуге міндеттенетіні атап өтілген.