Бразилиянинг Сан-Паулу штатида автобус юк машинаси билан тўқнашиб кетиши оқибатида камида 12 киши ҳалок бўлди, 11 киши жароҳат олди. Бу ҳақда ёнғин хавфсизлиги хизматига таяниб, "The Associated Press" маълум қилди.

Бахтсиз воқеа пайшанба куни ярим тун Нупоранга муниципалитетида содир бўлган. Автобусдаги 29 йўловчининг аксарияти Франка шаҳридаги хусусий университет талабалари эди.

Ҳар икки ҳайдовчи омон қолган.

Терговчилар фикрича, юзма-юз  тўқнашув чоғи юк машинаси кескин манёвр қилгани ҳалокатга олиб келган.