Бразилия футбол конфедерациясы (CBF) 2022 жылы турнирлерге қатысатын барлық ойыншыларға міндетті вакцинацияны талап етті.

CBF баспасөз қызметінің мәліметіне қарағанда, әр ойын алдынан командаларға өтінімдерді қалыптастыру кезінде коронавирусқа қарсы вакцинация фактісін растау қажет болады. Тиісті құжат болмаған жағдайда, CBF медициналық порталы ковидке қарсы вакцина алмаған ойыншыны автоматты түрде блоктайды.

Ұйымның бас дәрігері Жоржи Пайваның айтуынша, мұндай шешім ойыншылардың денсаулығына алаңдаушылықпен байланысты. «Қазірге дейін ауруханаға жатқызылғандардың көпшілігі екпе алмағандар болды. Омикрон нұсқасы өте жұқпалы және спортшылар бетпердесіз ойнайды. Біз тек аурудың ауыр жағдайларын болдырмау үшін олардан вакцинациялауды талап ете аламыз», - деген ол.