Бразилия президенті Луис Инасиу Лула да Силва демонстранттар бірқатар үкіметтік ғимараттарға басып кіргеннен кейін ел астанасындағы наразылықты тоқтату мақсатында федералдық күштерді жұмылдыруды бұйырды.

Eadaily порталының хабарлауынша, федералдық күштерді қолдану туралы бұйрық 31 қаңтарға дейін күшінде болады.

«Операцияның мақсаты - астананың федералды округінде мемлекеттік ғимараттарды басып алумен қатар жүретін қоғамдық тәртіпті бұзуды тоқтату», - деп атап өткен президент.

Еске сала кетейік, Бразилия парламенті мен басқа да үкіметтік ғимараттарға демонстранттардың шабуылы елдің жаңа президенті Лула да Силваның инаугурациясынан кейін бір апта өткен соң жасалды.