Фиокруз қоғамдық денсаулық сақтау институты Бразилияда таралған коронавирустық штамдар бойынша жүргізген зерттеуі нәтижесінде вирус жасушаларға ену кезінде мутацияға ұшырағаны анықталды.

Reuters-тың хабарлауынша, ғалымдар бұл өзгерістер вирусты вакциналарға төзімді етеді, бұл Латын Америкасының ең көп қоныстанған елінде ауыр зардаптарға әкелуі мүмкін деп санайды.

«Бұл өзгерістер кейбір вакциналардың тиімділігін едәуір төмендетеді. Бұл өте алаңдатарлық жағдай, себебі вирус әлі де мутацияға ұшырауын жалғастыруда», - деген доктор Навека.

Зерттеулер нәтижесінде R1 негізгі коронавирусқа қарағанда 2,5 есе көп жұқпалы және антиденелерге төзімді екенін көрсеткен.

Коронавирустың осы штаммын жұқтырған және қарқынды терапия алған науқастардың жартысынан көбі 40 жасқа толмағандар арасында байқалған.

Әзірше AstraZeneca және қытайлық Sinovac компаниясы шығарған вакциналар P1 нұсқасына қарсы тиімді құрал болып тұрғаны айтылады.