Braziliyada yo‘lovchi avtobusi va yuk mashinasi to‘qnashuvi oqibatida 11 kishi halok bo‘ldi, 45 kishi jarohatlandi. Bu haqda "Reuters" ma’lum qildi.

Mahalliy OAV ma’lumotiga ko‘ra, Kuyaba shahridan yo‘lga chiqqan avtobus Lukas-du-Riu-Verde shahri yaqinida paxta ortilgan yuk mashinasiga urilgan.

Tan jarohati olganlardan 11 nafarining ahvoli og‘ir.

Voqea joyiga ko‘plab tez yordam mashinalari, o‘t o‘chirish jamoalari yetib kelgan.

Fojia sababini aniqlash bo‘yicha tergov boshlangan.